Վենեսուելան հույս ունի դառնալ BRICS-ի անդամ 2024 թվականի գագաթնաժողովում․ հայտարարել է երկրի նախագահ Նիկոլաս Մադուրոն Telesur հեռուստաալիքին տված հարցազրույցում։
«Մենք մեծ հույս ունենք, որ այս տարի BRICS-ի գագաթնաժողովի ժամանակ Վենեսուելան կդառնա կազմակերպության լիիրավ անդամ»,- ասել է նա։
«Մենք պետք է լինենք նոր՝ բազմաբևեռ աշխարհի առաջնագծում, և երաշխավորենք մեր տնտեսության համար առավելագույն օգուտները, մենք պետք է միանանք գիտությանը, գիտելիքին և այս աշխարհի ամենաառաջադեմ տեխնոլոգիաներին», – հավելել է Մադուրոն:
Ավելի վաղ Մադուրոն հույս էր հայտնել, որ դա կարող է տեղի ունենալ 2024 թվականի հոկտեմբերին Ռուսաստանում կայանալիք գագաթնաժողովի ընթացքում։
