Amnesty International կազմակերպության գլխավոր քարտուղար Անյես Կալամարը ողջունելով ՄԱԿ–ի բանաձևը՝ կոչ է արել անհապաղ դադարեցնել Իսրայելի կողմից Գազայի ռմբակոծությունները և հաստատել տևական զինադադար։
X սոցիալական հարթակում արված գրառման մեջ, մասնավորապես, նշվում է. «Իսրայելը պետք է անհապաղ դադարեցնի Գազայի դաժան ռմբակոծությունները և դյուրացնի մարդասիրական օգնության առաքումը։
Իսրայելը, Համասը և այլ զինված խմբավորումները պետք է ապահովեն հրադադարի կայունությունը։ Քաղաքացիական պատանդները, ինչպես նաև կալանավորված բոլոր պաղեստինցիները պետք է անհապաղ ազատ արձակվեն»։
Կալամարն ընդգծել է, որ միջազգային հանրությունն այժմ պետք է հեռանա քաղաքական խաղերից և կյանքերի փրկությունը սահմանի որպես առաջնահերթություն՝ երաշխավորելով, որ այս բանաձևը ճանապարհ կհարթի տևական զինադադարի համար։
