Նարեկ Մանթաշյանին նոր մեղադրանք է առաջադրվել
Հասարակական-քաղաքական գործիչ Նարեկ Մանթաշյանին հրավիրել են Քնչական կոմիտե։ Սոցիալական էջում գրել է Մանթաշյանը։
«Քննիչը ծանոթացրեց, որ ինձ առաջադրվում է նոր մեղադրանք՝ դատարանի նկատմամբ անհարգալից վերաբերմունքի հոդվածով( քր. օր. 489 հոդված): Հայտարարվեց նախաքննության ավարտ, խափանման միջոցը՝ բացակայելու արգելք, գործը կուղարկվի դատարան:
Մեղադրանքի զավեշտն այն է, որ, ըստ գլխավոր դատախազության, ես ցանկացել եմ պլաստմասե շշով հարվածել վկային և նրա հասցեին հնչեցրել եմ ծայրահեղ ծանր վիրավորանք պարունակող հայոյանք: Վկան, ինչպես միշտ, ոստիկան է, Էրեբունու բաժնի պետի տեղակալ: Հիմա, ինչպես ասում է Ալեքսանդր Կոչուբաևը, «Bнимание, вопрос»՝ ո՞վ և ինչպե՞ս գնահատեց իմ ցանկությունը, կամ եթե ցանկանում էի խփել, ինչու՞ չեմ խփել, ո՞վ կամ ի՞նչն է խոչընդոտել, որ իրականացնեմ ցանկությունս։ Սրանք հարցեր են, որ կպարզվեն դատարանում…
Տապալվող ռեժիմը քաղաքական հետապնդումների նոր շղթա է սկսել…»,- գրել է նա։
Հիշեցնենք՝ 2021 թվականի դեկտեմբերին Մանթաշյանին ձերբակալելու որոշում էր կայացվել։ Նա մեղադրվում էր ՀՀ պետական դրոշը կառավարության շենքում ծածանելու մեջ:
