Ֆրանսիան մտահոգություն է հայտնել Երուսաղեմի հայկական թաղամասում տեղի ունեցած միջադեպերի կապակցությամբ
Երուսաղեմում Ֆրանսիայի գլխավոր հյուպատոսությունը մտահոգություն է հայտնել քաղաքի հայկական թաղամասում տեղի ունեցած միջադեպերի կապակցությամբ։
«Ֆրանսիան մտահոգված է Երուսաղեմի հայկական թաղամասում տեղի ունեցած միջադեպերով։ Կոչ ենք անում Իսրայելի իշխանություններին զերծ մնալ ցանկացած միակողմանի գործողություններից, որոնք կասկածի տակ են դնում Երուսաղեմի ստատուս քվոն»,- ասվում է հյուպատոսարանի X-ի գրառման մեջ։
Իսրայելի ոստիկանությունն ապրիլի 3-ին ներխուժել էր Երուսաղեմի Հայոց պատրիարքության «Կովերի պարտեզ» կոչվող կալվածք և, առանց դատարանի որոշման ու նախազգուշացման հեռացրել տեղադրված արգելապատնեշները, ոչնչացրել պատրիարքարանի գույքը, հարձակվել հոգևորականների ու տեղացի հայերի վրա։
