Նամպուլա նահանգից Մոզամբիկ կղզի ուղևորվող լաստանավը, որով մարդիկ փախչում էին խոլերայի բռնկումից, խորտակվել է․ հայտնում է Reuters-ը։
Ենթադրվում է՝ նավում եղել է մոտ 130 ուղևոր:
Նավը գերբեռնված է եղել և հարմարեցված չի եղել ուղևորներ տեղափոխելու համար․ նշել է դեպքի վայրին մոտ գտնվող Նամպուլա նահանգի ներկայացուցիչը։
Միայն հինգ ուղևորի է հաջողվել փրկվել։ Նրանցից երկուսը բժշկական օգնության կարիք են ունեցել։ Reuters-ը նշում է, որ մահացածների թվում կան շատ երեխաներ։
