Մամուլն այսօր գրել է, որ Տավուշի մարզի Ոսկեպար գյուղ ժամանած ԵՄ դիտորդների այցը հարթ չի անցել։ Ըստ տարածվող լուրերի՝ ԵՄ դիտորդներին գյուղացիները վռնդել են իրենց բնակավայրից, թեժ վեճ է ծավալվել նրանց միջև։
ABC Media–ն զրուցել է Ոսկեպարի ղեկավար Իշխան Աղբալյանի հետ՝ պարզելու, թե ինչ է տեղի ունեցել գյուղում։
Մեզ հետ զրույցում Աղբալյանը նշեց, որ զարմացած է այս լուրերից։ «Որևէ մեկը մեր գյուղ չի եկել, հիմա մենք մեր գյուղացիներով ենք։ Իրավիճակը ստաբիլ է, մարդիկ հավաքվում ու քննարկում են հետագա անելիքները»,-ասել է Ոսկեպարի ղեկավարը։
