Իրանը Հորմուզի նեղուցում Իսրայելական ընկերությանը պատկանող նավ է կալանել

Իսլամական հեղափոխության պահապանների կորպուսը Հորմուզի նեղուցի ջրերում գրավել է Իսրայելական ընկերության  պատկանող բեռնատար նավ, հայտնում է IRNA գործակալությունը։

«MCS Aries անվանումով կոնտեյներային նավը կալանվել է Իսլամական հեղափոխության պահապանների կորպուսի ռազմածովային ուժերի հատուկ ջոկատայինների կողմից Հորմուզի նեղուցում՝ գործողության իրականացման և նավի տախտակամածի վրա գտնվող անձնակազմի տարհանման միջոցով»,- ասվում է հրապարակման մեջ։

Այժմ բեռնանավը շարժվում է դեպի Իրանի տարածքային ջրեր։ Գործակալության տվյալներով՝ նավը նավարկում էր Պորտուգալիայի դրոշի ներքո, իսկ դրա սեփականատերը գործարար Էյալ Օֆերի իսրայելական Zodiac Maritime ընկերությունն է։