ՌԴ-ն մարդասիրական օգնության հերթական խմբաքանակն է մատակարարել Գազայի բնակիչներին

ՌԴ Արտակարգ իրավիճակների նախարարության ԻԼ-76 ինքնաթիռը մարդասիրական
օգնության հերթական խմբաքանակն է հասցրել Գազայի հատվածի բնակչությանը Եգիպտոսի Էլ-Արիշ.
հաղորդում է ՏԱՍՍ-ը։

Ռուսաստանի արտակարգ իրավիճակների նախարարության հատուկ ինքնաթիռը
վայրէջք է կատարել Էլ-Արիշ օդանավակայանում։ Ինքնաթիռում եղել է 25 տոննա բեռ՝ սնունդ,
անձնական հիգիենայի միջոցներ, հագուստ, շարժական վառարաններ և վերմակներ։ Բեռնաթափումից
հետո օգնությունը կփոխանցվի Եգիպտոսի Կարմիր մահիկի ընկերության ներկայացուցիչներին՝
Գազա հասցնելու համար։

Թռիչքն իրականացվել է ՌԴ նախագահի և Արտակարգ իրավիճակների նախարարության
ղեկավարի հրամանով։ Սա Ռուսաստանի կողմից Գազայի հատված մարդասիրական օգնության չորրորդ
խմբաքանակն է։ Նախկինում առաքվել էր մոտ 115 տոննա բեռ։