Ադրբեջանի և Հայաստանի միջև կարգավորումը հնարավոր է միայն այն
դեպքում, երբ արտատարածաշրջանային ուժերը դադարեն միջամտել հակամարտությանը, իսկ Արևմուտքի
քայլերն առայժմ միայն սրում են իրավիճակը. հայտարարել է ՌԴ Անվտանգության խորհրդի քարտուղար
Նիկոլայ Պատրուշևը՝ Մոսկվայում ԱՊՀ գործընկերների հետ հանդիպման ժամանակ։
«Մենք շահագրգռված ենք նաև հարավկովկասյան տարածաշրջանում իրավիճակի
կայունացմամբ, դրա զարգացման համար պայմաններ ստեղծելով և փոխադարձ վստահության ու
համագործակցության ամրապնդմամբ»,- ասել է նա։
Պատրուշևի խոսքով՝ Ռուսաստանը հետևողականորեն քայլեր է ձեռնարկում
հայ-ադրբեջանական հարաբերությունների համապարփակ կարգավորման ուղղությամբ՝ ի շահ այդ
երկրների միջև խաղաղության պայմանագրի կնքման, սահմանների սահմանազատման և տրանսպորտային
հաղորդակցությունների բացման։
«Փորձը ցույց է տալիս, որ դա հնարավոր է միայն արտատարածաշրջանային
ուժերի չմիջամտելու դեպքում: Արևմտյան երկրների գործողությունները հրահրում են իրավիճակի
դեգրադացիա տարածաշրջանում և նպաստում դրանում հակասությունների պահպանմանը»,- ընդգծեց
նա:
