Ջալալ Հարությունյանը մեկ դրվագով արդարացվել է, մեկ այլ դրվագով հանրային քրեական հետապնդումը չի դադարեցվել

2020թ․ հոկտեմբերի 7-ին իրականացված հակահարձակման
դրվագով հանրային քրեական հետապնդումը ՊԲ նախկին հրամանատար Ջ․Հարությունյանի
նկատմամբ դադարեցվել է  արդարացնող հիմքով. տեղեկացրել է փաստաբան Արսեն Սարդարյանը:

«Շուրջ 306 էջանոց Ռազմագիտական հանձնաժողովային փորձագիտական եզրակացությամբ
թվով 11 փորձառու ռազմագետների կողմից միակարծիք փաստվեց, որ Ջ․Հարությունյանի
գործողություններում հակահարվածի դրվագով հանցակազմ չկա, վերջինս հակահարձակման ժամանակ
գործել է բարեխիղճ, զգոն և գրագետ։

Ցավոք, չնայած այն հանգամանքին, որ նույն վերոգրյալ փորձագիտական
եզրակացության բովանդակությունից ակնհայտ է, որ 2020թ․ հոկտեմբերի
12-ի Ցորի զորամասի Դ-20 դիվիզիոնի վրա հակառակորդի հարձակման հետևանքով ունեցած կորուստների
մասով Ջ․Հարությունյանի
մեղքը առերևույթ բացակայում է, և որ դրա պատասխանատվությունը ամբողջությամբ Դ-20 դիվիզիոնի
հրամանատարության վրա է, սակայն այս մասով հանրային քրեական հետապնդումը չի դադարեցվել,
ինչը խիստ մտահոգիչ է»։