Միջազգային իրավապաշտպան կազմակերպությունները պետք է անհապաղ արձագանքեն Վագիֆ Խաչատրյանի ազատազրկմանը. ՄԻՊ
ՀՀ Մարդու իրավունքների պաշտպանը անդրադարձել է արցախցի Վագիֆ Խաչատրյանին
Բաքվի դատարանի կողմից 15 տարվա ազատազրկման դատապարտելուն:
«Լաչինի միջանցքում ադրբեջանական զինուժի կողմից առևանգված Վագիֆ
Խաչատրյանին Բաքվում դատապարտել են 15 տարվա ազատազրկման՝ չպահպանելով մարդու իրավունքներին
առնչվող միջազգային իրավական չափանիշներն ու երաշխիքները։ Միջազգային իրավապաշտպան
կազմակերպությունները պետք է անհապաղ արձագանքեն»,-գրել է ՄԻՊ֊ը:
Հիշեցնենք, որ Վագիֆ Խաչատրյանն առևանգվել էր Լաչինի միջանցքում
տեղադրված ապօրինի անցակետից՝ բուժման նպատակով Երևան գալու ճանապարհին:
