Արամ Ա-ն զորակցություն է հայտնել Գերագույն հոգևոր խորհրդին․ քննարկվել է Տավուշում ստեղծված իրավիճակը
Վեհափառ Հայրապետները շարունակում են խորհրդակցությունները, տեղեկացնում են Մեծի Տանն Կիլիկիո Կաթողիկոսությունից։
«Քիչ առաջ Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա, կապ հաստատելով Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հետ, իր ամբողջական զորակցությունը հայտնեց ժամեր առաջ Գերագույն Հոգևոր Խորհրդի կողմից Հայաստանում ստեղծված իրավիճակի առնչությամբ հրապարակված հայտարարությանը»։
Վեհափառ Հայրապետները տեսակետների փոխանակում ունեցան ներկա մարտահրավերների շուրջ, որոնց դիմագրվում է Հայաստանը, մասնավորապես՝ Տավուշի մարզից սկսված երթի լույսի տակ։ Նրանք որոշեցին շարունակել իրենց խորհրդակցությունները՝ շեշտելով հայ եկեղեցու առանցքային դերակատարությունը հայ ժողովուրդին ու Հայաստանը հուզող տագնապների հաղթահարման գործոմ»,- նշվում է հաղորդագրության մեջ։
