Պուտինն ու Սի Ծինփինը հարաբերությունների խորացման վերաբերյալ հայտարարություն են ստորագրել
ՌԴ նախագահ Վլադիմիր Պուտինը և Չինաստանի ղեկավար Սի Ծինփինը համատեղ հայտարարություն են ստորագրել համապարփակ գործընկերության և ռազմավարական փոխգործակցության հարաբերությունների խորացման մասին, դրանք նոր դարաշրջան են մտնում՝ երկու երկրների միջև դիվանագիտական հարաբերությունների հաստատման 75-ամյակի համատեքստում․ այս մասին գրում է ТАСС-ը։
Ռուսաստանի ղեկավարը լրատվամիջոցներին տված հայտարարության ժամանակ նշել է, որ այս փաստաթուղթը «սահմանում է նոր լայնածավալ խնդիրներ և երկարաժամկետ հեռանկարներ ռուս-չինական հարաբերությունների ողջ համալիրի զարգացման համար», որին կնպաստի ՉԺՀ կատարած այցի համար նախապատրաստված միջկառավարական, միջգերատեսչական և առևտրային համաձայնագրերի փաթեթի ստորագրումը։
