Վրաստանի նախագահը վետո է դրել «Օտարերկրյա ազդեցության թափանցիկության մասին» օրինագծի վրա
Վրաստանի նախագահ Սալոմե Զուրաբիշվիլին վետո է դրել «Օտարերկրյա ազդեցության թափանցիկության մասին» օրենքի վրա, որն ընդունվել է խորհրդարանի կողմից մայիսի 14-ին երրորդ ընթերցմամբ (այն պաշտպանել է 84 պատգամավոր):
«Այսօր ես վետո դրեցի ռուսական օրենքի վրա։ Այս օրենքն իր էությամբ, ոգով ռուսական օրենք է, որը հակասում է մեր Սահմանադրությանը և եվրոպական բոլոր չափանիշներին և խոչընդոտ է հանդիսանում եվրոպական ճանապարհին։ Վետոն իրավաբանորեն ճիշտ է և այսօր կներկայացվի խորհրդարան: Օրենքը ոչ մի փոփոխության կամ բարելավման ենթակա չէ։ Այս օրենքը պետք է չեղյալ համարվի»,- ասել է նախագահը։
«Վրացական երազանքը» բավականաչափ ձայներ ունի խորհրդարանում, որպեսզի հաղթահարի վետոն: Եթե դրանից հետո նախագահը չի ստորագրում օրենքը, այն ստորագրում և հրապարակում է խորհրդարանի նախագահը։
