Նոյեմբերի 10-12-ը
Երևանում կայանալիք սամբոյի աշխարհի առաջնությանը չեն մասնակցի Ադրբեջանի և Թուրքիայի
մարզիկները։ Այս մասին լրագրողների հետ զրույցում տեղեկացրել է Հայաստանի սամբոյի ֆեդերացիայի
ղեկավար Միքայել Հայրապետյանը։
Մրցույթին մասնակցելու հայտերն արդեն ներկայացրել են ավելի քան 70 երկրների ներկայացուցիչներ։
Հայրապետյանի խոսքով՝ սպասվում է, որ Երևան կժամանի ավելի քան 500 մարզիկ և ավելի քան
2,5 հազար հյուր։
Հայ սամբիստները հոկտեմբերի 25-ից Օլիմպավանի բազայում մարզվում
են՝ նախապատրաստվելով առաջնությանը, նրանց առաջին ելույթները նախատեսված են նոյեմբերի
10-ին։
