Վրաստանում հեղեղվել են ադրբեջանցիներով բնակեցված գյուղերը

Հորդառատ անձրևները լուրջ վնաս են հասցրել Վրաստանի Մարնեուլիի և Բոլնիսիի շրջաններին, որտեղ բնակչության մեծամասնությունը ադրբեջանցիներ են։

Տեղումների արդյունքում՝  Խրամ և Դեբեդ գետերի վարարման հետևանքով վնասվել են կապի գծերն ու ճանապարհային ենթակառուցվածքները, ջրի տակ են անցել տների նկուղներ և գյուղատնտեսական ֆերմաներ։

Ջրհեղեղի հետևանքով մի շարք բնակավայրերում ավերվել են կամուրջներ, վնասվել են գազամատակարարման ու էլեկտրաէներգիայի գծերը։