Պուտինը շնորհավորել է Ալիևին և վստահություն հայտնել, որ երկրները կշարունակեն համակարգել ջանքերը տարածաշրջանային գործերում

Ռուսաստանի նախագահ Վլադիմիր Պուտինը շնորհավորել է իր ադրբեջանցի գործընկեր Իլհամ Ալիևին Հանրապետության Անկախության օրվա առթիվ՝ վստահություն հայտնելով, որ Մոսկվան և Բաքուն կշարունակեն զարգացնել արդյունավետ համագործակցությունը բոլոր ոլորտներում և կշարունակեն համակարգել ջանքերը տարածաշրջանային գործերում:

Պուտինը նշել է, որ երկու երկրների միջև փոխգործակցության ընդլայնումը համապատասխանում է իրենց բարեկամ ժողովուրդների շահերին և համահունչ է Հարավային Կովկասում և Կասպից ծովում անվտանգության ու կայունության ամրապնդմանը։

Նա ընդգծել է, որ Մոսկվան մեծ նշանակություն է տալիս Բաքվի հետ դաշնակցային հարաբերություններին։ Պուտինը նաև հավելել է, որ Ադրբեջանը ներգրավված է միջազգային օրակարգի կարևոր խնդիրների լուծման գործում։