ՆԱՏՕ-ն և ԱՄՆ-ը չեն դիտարկում Ուկրաինա ռազմական խորհրդականներ ուղարկելու հարցը․պետքարտուղարության ներկայացուցիչ
Հյուսիսատլանտյան դաշինքը և ԱՄՆ-ը ներկայումս չեն դիտարկում Ուկրաինա ռազմական խորհրդատուներ ուղարկելու հարցը: Այս մասին Վաշինգտոնի ռազմական դիտորդների խմբի հետ (Defense Writers Group) հանդիպմանը հայտարարել է ՆԱՏՕ-ում ԱՄՆ մշտական ներկայացուցիչ Ջուլիանա Սմիթը․ հաղորդում է ТАСС-ը։
«Այսպիսով, խորհրդականներ: Սա ներկայումս չի քննարկվում դաշինքի շրջանակներում: ՆԱՏՕ-ն չի դիտարկում խորհրդականներ Ուկրաինա ուղարկելու հարցը: Դա չի աջակցվում գլխավոր քարտուղարի կղմից: Միացյալ Նահանգները դա չի քննարկում», – ասել է Սմիթը, որն աշխատում է Պետքարտուղարության համակարգում։
Միևնույն ժամանակ, մշտական ներկայացուցիչը հաստատել է, որ ՆԱՏՕ-ն չի բացառում, որ ստանձնելու է Ուկրաինայի զինված ուժերի վարժանքների համակարգումը։
