Հայաստանի առջև ծառացած բազմաթիվ ռիսկեր կարելի էր մեղմացնել, եթե երկրի ղեկավարությունը չնախընտրեր հրավիրել ԵՄ առաքելությանը․ Գալուզին
Եվրամիության դիտորդական առաքելությունը Հայաստանում Ռուսաստանի, Իրանի և Ադրբեջանի դեմ հետախուզական տվյալներ է հավաքում, ТАСС-ի հետ զրույցում հայտարարել է ՌԴ փոխարտգործնախարար Միխայիլ Գալուզինը։
«Այսօր Հայաստանի առջև ծառացած բազմաթիվ ռիսկեր կարելի էր մեղմացնել, եթե 2022 թվականին Երևանը համաձայներ Ադրբեջանի հետ սահմանին իրավիճակի կայունացմանն ուղղված ՀԱՊԿ-ի՝ համալիր միջոցառումներ իրականացնելու առաջարկին։ Ցավոք, Հայաստանի ղեկավարությունը նախընտրեց հրավիրել ԵՄ առաքելությանը, որն ամենևին էլ չի պաշտպանում պետության սահմանները, այլ «մոնիթորինգի» անվան տակ զբաղված է Ադրբեջանի, Իրանի և Ռուսաստանի դեմ հետախուզական տվյալների հավաքագրմամբ», – նշել է Գալուզինը։
Նրա խոսքով՝ ՀԱՊԿ-ի դեպքում «խոսքը լուրջ նախաձեռնությունների մասին էր, այդ թվում՝ ռազմատեխնիկական օգնության, դիտորդական առաքելություն ուղարկելու, սահմանապահ զորքերի կրթության հարցում օգնության»։
