Երևան֊Սևան ճանապարհին գտնվող բենզալցակայանը, որի տարածքում տեղի էր ունեցել պայթյուն, շահագործվել է առանց իրավունքի, գրում է «Հետքը»։
Ըստ ներկայացված տվյալների՝ 2021-ի դեկտեմբերին հիմնադրված ՍՊԸ-ն 2023 թ.-ից սկսած հայտնվել է տարբեր արգելանքների տակ։
Վերջին արգելանքը դրվել է պայթյունից ժամեր առաջ՝ հունիսի 6-ին:
Փետրվարին լցակայանի գործունեությունը դադարեցվել է, քանի որ այն չի ունեցել փորձաքննության դրական եզրակացություն։
2024թ. փետրվարի 14-ին տեսչական մարմնի կողմից ընկերությունը ենթարկվել է վարչական պատասխանատվության, և լցակայանում 1 ամիս ժամկետով փակցվել է պաստառ՝ «մենք տուգանվել ենք թերլիցքավորման համար»:
2022–ին «Գազ օիլ» ընկերությունը ՀԴՄ շահագործման կանոնների խախտման հիմքով 2 անգամ տուգանվել է նույն չափով՝ 2 մլն 44 հազար դրամով։