Գազան վերածվել է երեխաների գերեզմանոցի․ ՅՈՒՆԻՍԵՖ
Գազայի հատվածը վերածվել
է երեխաների գերեզմանոցի, մինչ օրս պաղեստինյան անկլավում անչափահասների մահերի թիվը
գերազանցել է 3,4 հազարը․ այս մասին Ժնևում կայացած ճեպազրույցում հայտարարել է ՄԱԿ-ի
մանկական հիմնադրամի (ՅՈՒՆԻՍԵՖ) պաշտոնական ներկայացուցիչ Ջեյմս Էլդեր․ հայտնում է ՏԱՍՍ-ը։
Ըստ Էլդերի՝ Գազայի
առողջապահության նախարարության վերջին տվյալների համաձայն՝ անկլավում ավելի քան
3450 երեխա է մահացել։ Նա կոչ է արել Իսրայելի իշխանություններին անհապաղ զինադադար հաստատել
և մարդասիրական օգնության անխափան հոսքի համար
բացել բոլոր անցակետերերը
«Եթե մենք դադարեցնենք
կրակը 72 ժամով, դա թույլ կտա 1000 երեխայի կրկին ապահով լինել», – ասել է ՅՈՒՆԻՍԵՖ-ի ներկայացուցիչը: Ջրազրկումից մանկական
մահացության աճի սպառնալիք է անկլավում, քանի
որ Գազայում ջրի արտադրությունը կազմում է իր պահանջի 5%-ը: Դա պայմանավորված է նրանով,
որ աղազերծման կայանների մեծ մասը չի աշխատում վնասի կամ վառելիքի բացակայության պատճառով:
