2018֊ին փակեցինք 80֊ականների ամոթալի էջն ու անցանք հպարտ 90֊ականների զենքերին։ Ֆրանսիայի պաշտպանության նախարար Սեբաստյան Լեքորնյուն Իքս֊ի իր էջում ավետեց Կեսարի գալստյան լուրը։ Հայաստանը զինտեխնիկայի նոր խմբաքանակ կգնի՝ ինքնագնաց հրետանային համակարգեր Կեսար։ Այս լուրն առաջինը տարածեցին հատկապես ռուսական պետական լրատվական գործակալություններն այն շեշտադրմամբ, որ նույն այս համակարգերը Ֆրանսիան մատակարարել է նաև Ուկրաինային։
