Գազան պատերազմի մեկնարկից ի վեր ամենաուժեղ ռմբակոծությանն է ենթարկվում․ անջատվել են կապի բոլոր միջոցները
Իսրայելն
այս պահին զանգվածային հարձակում է իրականացնում Գազայի հատվածի վրա։ Այս պահին անկլավը
պատերազմի մեկնարկից ի վեր ամենաուժեղ ռմբակոծությանն է ենթարկվում։ Այս մասին տեղեկացնում
է Al Arabiya հեռուստաալիքը։
«Բջջային և ինտերնետային կապի ծառայություններն ամբողջությամբ դադարել են աշխատել Գազայի
հատվածում»,- հայտնել է հեռուստաալիքը։
Իսրայելի պաշտպանության բանակի ներկայացուցիչն իր հերթին հայտարարել է, որ Իսրայելը
ցամաքային գործողություն է սկսել Գազայում։
Այս պահի դրությամբ Գազայում անհասանելի է անգամ շտապօգնությունը։
