Տարբեր ժամանակներ, տարբեր եղանակներով հայ ազգի ապագայի
վրա ստվեր գցելու տարբերակը գտնում են ներսից ներազդելով․
այդպիսի դեպք է հոկտեմբերի 27-ը․ այս մասին լրագրողների հետ զրույցում
ասել է «Պատիվ Ունեմ» խմբակցության ղեկավար Հայկ Մամիջանյանը։
Ըստ Մամիջանյանի՝ պատմությունը
ցույց է տալիս, որ հայ ազգին հաղթել արտաքին ուղիղ թշնամական ներգործությամբ, անհնար
է լինում կամ շատ բարդ։
«Վերջին՝ նորագույն պատմությունը ցույց տվեց , որ Արցախի հանձնումը,
ՀՀ անվտանգային երաշխիքների թուլացումը, հեշտացնում է հակառակորդների գործը՝ ներսից թուլացնել երկիրը։ Փաշինյանն ու իր խմբակը նոր բրենդային բառ են վերցրել՝
«խաղաղություն», և այն օգտագործելու են իրենց
ցանկացած գործողության համար»,- ասել է նա։
Մամիջանյանը հիշեցրել
է, որ ավագ ընկերներն ու հայրենակիցները շատ լավ գիտեն, թե ով էր Փաշինյանը և ինչպես էր վերաբերվում
նրան Սպարապետը։
«Փաշինյանը պիտի լավ
հիշի՝ 90ականներին հայոց բանակի, հերոսների
և Սպարապետի հասցեին զրպարտություններ հրապարակելու համար ինչ որակումների էր արժանացել
Վազգեն Սարգսյանի կողմից և զուգահեռներ տանել Փաշինյանի և Սպարապետի գաղափարների միջև,
ուղղակի սրբապղծություն է»,-ասել է Մամիջանյանը և հավելել՝ արդարության պահանջով Փաշինյանն
ու իր խմբակը ստանալու են իրենց դատաստանը։
