Մարդու
իրավունքների նկատմամբ լիակատար հարգանքը և միջազգային չափանիշներին խստորեն հետևելը
պետք է այժմ դրվի Հայաստանի և Ադրբեջանի միջև հաշտեցման և կայուն խաղաղության ճանապարհի կենտրոնում․ այս մասին հայտարարել է
Եվրախորհրդի մարդու իրավունքների հանձնակատար Դունյա Միյատովիչը։
Հանձնակատարը հոկտեմբերի 16-23-ը եղել է Հայաստանում և Ադրբեջանում, հանդիպել
է պաշտոնյաների, մարդու իրավունքների պաշտպանների, հակամարտությունից տուժածների,
միջազգային և իրավապաշտպան կազմակերպությունների ներկայացուցիչների հետ, եղել է նաև
հայաթափված Արցախում:
Ըստ Միյատովիչի՝ այցի
պատճառը սեպտեմբերի վերջին ընդամենը մի քանի օրում ավելի քան 100 հազար
600 արցախցի հայերի զանգվածային տեղահանումն էր, որը հաջորդել էր սեպտեմմբերի 19-20-ին Ադրբեջանի իրականացրած ռազմական գործողություններին, Լաչինի միջանցքի՝ ամիսներ տևած արգելափակմանը, մարդկանց տեղաշարժի ու հիմնական ապրանքների, ծառայությունների և էներգակիրների հասանելիության
երկարատև խափանումներին։
«Արցախի հայերը հայտնվեցին
լքված վիճակում՝ առանց որևէ կողմից որևէ հուսալի անվտանգության կամ պաշտպանության երաշխիքների, նրանց համար տնից
հեռանալը միակ հասանելի տարբերակն էր»,-նշել է նա:
Հայաստանում Միյատովիչն
այցելել է Կոտայքի մարզի Աղավնաձորի և Ծաղկաձորի տեղահանվածների կացարաններ, հանդիպումներ
ունեցել արցախցի հայերի հայերի, այդ թվում՝ ընտանիքների, տարեցների, հաշմանդամություն
ունեցող և այլ խոցելի անձանց հետ: Նա կոչ է
արել Եվրոպայի խորհրդի անդամ երկրներին լիարժեք
աջակցություն ցուցաբերել՝ ապահովելու անհրաժեշտ աջակցության կայունությունը։
«Ադրբեջանը
պետք է երաշխավորի տարածաշրջանում մնացած էթնիկ հայերի և Հայաստան մեկնածների մարդու
իրավունքները, ներառյալ՝ ապահով և արժանապատիվ իրենց տները վերադառնալու իրավունքը»,-նշել է Միյատովիչը։
