Առաջիկայում դրական քայլերի ականատես կլինենք. Բայրամովը՝ սահմանագծման աշխատանքների մասին

Ադրբեջանի արտգործնախարար Ջեյհուն Բայրամովը աշխատանքային այցով մեկնել է Վրաստան։

Ադրբեջանական լրատվականների փոխանցմամբ՝ Բայրամովը այցի շրջանակներում հանդիպել է Վրաստանի ԱԳ նախարար Իլյա Դարչիաշվիլիի հետ։

Հանդիպման ընթացքում Բայրամովը խոսել է Հայաստանի և Ադրբեջանի միջև խաղաղության պայմանագրի շուրջ շարունակվող բանակցությունների մասին։

«Շարունակվում են աշխատանքները Հայաստանի հետ սահմանների սահմանազատման ուղղությամբ։ Առաջիկայում ականատես կլինենք դրական քայլերի»,- ասել է Բայրամովը։

Օրվա ընթացքում նախատեսվում է Բայրամովի հանդիպումը Վրաստանի վարչապետ Իրակլի Կոբախիձեի հետ: