Ադրբեջանում երկրաշարժ է տեղի ունեցել

Ադրբեջանի հարավում 5․2 մագնիտուդով երկրաշարժ է գրանցվել. տեղեկացնում է APA գործակալութոյւնը՝  հղում տալով Ադրբեջանի Հանրապետական սեյսմոլոգիական ծառայության կենտրոնին:

Ստորգետնյա ցնցումների էպիկենտրոնը գտնվել է Թալիշի լեռներում,  օջախը՝ 18 կմ խորության վրա։ Երկրաշարժը գրանցվել է տեղական ժամանակով 07:43-ին։

Ստորգետնյա ցնցումների հետևանքով զոհերի կամ ավերածությունների մասին տեղեկություններ չեն հաղորդվել։