Հակառակվելով ՌԴ-ին՝ ԱՄՆ-ը կշարունակի պարեկությունը Սև ծովի միջազգային ջրերում
ԱՄՆ-ը կշարունակի պարեկությունը Սև ծովի միջազգային ջրերում՝ չնայած ՌԴ պաշտպանության նախարարության հայտարարություններին։ Համապատասխան հայտարարությամբ հանդես է եկել Պենտագոնի մամուլի քարտուղարի տեղակալ Սաբրինա Սինգհը։
«Մենք շարունակում ենք թռչել, նավարկել և գործել միջազգային ջրերում և միջազգային օդային տարածքում, որտեղ դա թույլատրվում է օրենքով», – ընդգծել է նա:
Մինչ այս՝ ՌԴ պաշտպանության նախարար Անդրեյ Բելոուսովը հրահանգել էր միջոցներ մշակել Սև ծովի վրայով ամերիկյան անօդաչու թռչող սարքերի թռիչքների դեմ։
