Արցախը հայաթափելով՝ Արցախի հարցը չի լուծվել․ Սեյրան Օհանյան
Արցախի հակամարտությունը լուծված չէ. ԱԺ ճեպազրույցների ընթացքում
ասաց «Հայաստան» խմբակցության ղեկավար Սեյրան Օհանյանը։
«Արցախը հայաթափելով՝ խնդիրը չի լուծվել։ Մենք պետք է փաստենք,
որ նրա սուբյեկտայնության պահպանման և նրա ժողովրդի անվտանգության ապահովման և ինչու
չէ՝ նաև Արցախի տարածքին տեր կանգնելու հետագային միտված մեր գործողություններում բանակցությունները,
գոյություն ունեցող համապատասխան ձևաչափով, այլընտրանք չունեն», – ասել է նա։
Օհանյանը նշել է, որ Ալիևն ընթացող բանակցային գործընթացից և Արևմուտքից
ստացել է այն ամենն, ինչ իրեն անհրաժեշտ էր։
Նա նշել է, որ հենց այդ պատճառով էլ Ալիևը չի ցանկացել մեկնել Բրուսել՝
հանդիպման։
«Ալիևն իրականացրել է բռնագաղթ, էթնիկ զտումներ՝ Արցախի հատվածում
և այս փուլում ինքն իր նպատակին հասել և հետագա գործընթացներում կարծում եմ, որ ինքը
շեշտը դնելու է Հայաստանի Հանարապետության հետ խաղաղության պայմանագրի կնքմանը, որի
հիմնական նպատակներից մեկը Հայաստանի նկատմամբ ճնշումների շարունակականությունն է՝
այսպես կոչված «Զանգեզուրի միջանցքի» ենթակառույցների ապաշրջափակման շրջանակներում»,-
ասել է Օհանյանը։
