Արևելյան Եվրոպայի տարածաշրջանում ռազմաքաղաքական իրավիճակը ներկայումս բնութագրվում է որպես ճգնաժամային. հայտարարել է Բելառուսի պաշտպանության նախարար Վիկտոր Խրենինը։
Նրա խոսքով՝ Արևմտյան երկրների ապակառուցողական քաղաքականության պատճառով՝ իրավիճակը կարող է վերածվել միջուկային հակամարտության։
Խրենինը նշել է, որ արևմտյան երկրները զգալի ջանքեր են գործադրում՝ ուղղված ԱՊՀ տարածքում ինտեգրացիոն գործընթացների ոչնչացմանը։ Բացի այդ՝ Արևմուտքը գաղափարական պատերազմ է մղում ԱՊՀ բոլոր երկրների դեմ։ «Փաստորեն, գաղափարական պատերազմ է տարվում Համագործակցության բոլոր երկրների դեմ, փորձեր են արվում ոչնչացնել գոյություն ունեցող բարեկամական հարաբերությունները ինչպես առանձին ժողովուրդների, այնպես էլ երկրների միջև», – նշել է պաշտոնյան։
