Մենք եղել ենք Հայաստանի բարեկամը, կանք ու կլինենք. Իրանի դեսպան
Մեր քաղաքականությունն է զարգացնել և ընդլայնել մեր համագործակցությունը և փոխգործակցությունը հարևան երկրների, այդ թվում Հայաստանի հետ։ Այս սկզբունքային քաղաքականությունը կառավարությունների փոփոխմամբ չի փոխվում․ լրագրողների հետ զրույցում ասել է ՀՀ-ում Իրանի դեսպան Մեհդի Սոբհանին։
«Նախագահական ընտրությունների բոլոր թեկնածուները ունեն որդեգրած քաղաքականություն՝ զարգացնել իրենց հարաբերությունները հարևան պետությունների հետ։ Մենք եղել ենք Հայաստանի բարեկամը, կանք ու կլինենք»,- ասել է դեսպանը և հավելել, որ նոր ստեղծվող կառավարությունը Հայաստանի հետ հարաբերությունները առավել կզարգացնի։
Այսօր Իրանում մեկնարկել է նախագահական արտահերթ ընտրությունների երկրորդ փուլը։
