Ֆրանսիայի նախագահ Էմանուել Մակրոնը չի ընդունել երկրի վարչապետ Գաբրիել Ատալի հրաժարականը և խնդրել է նրան շարունակել կառավարության ղեկավարի պարտականությունները․ տեղեկացնում է AFP-ն՝ հղում տալով Ելիսեյան պալատի հայտարարությանը։
Հուլիսի 8-ի առավոտյան հրաժարականի դիմում ներկայացնելու համար Գաբրիել Ատալը ժամանել էր Ֆրանսիայի նախագահի նստավայր։ Հրաժարականի պատճառը նախօրեին արտահերթ խորհրդարանական ընտրություններում ձախերի հաղթանակն էր։
Նախագահը վարչապետին խնդրել է «ժամանակավորապես» չհեռանալ այդ պաշտոնից՝ «երկրի կայունությունն ապահովելու համար»:
«Պետության ղեկավարը հատուկ շնորհակալություն է հայտնել Գաբրիել Ատալին Եվրոպական խորհրդարանի և Ֆրանսիայի օրենսդիր մարմնի ընտրությունների քարոզարշավների համար, որոնք նա ղեկավարել է», -ասվում է Ելիսեյան պալատի հայտարարության մեջ։
