ՀՀ իշխանությունների հայտարարությունն այն մասին, որ «ՌԴ-ն հանձնել է ԼՂ-ն, սուտ է և ուղղված է ԼՂ-ի հանդեպ գործած սեփական դավաճանության, արևմտյան ճամբար անցնելու որոշման արդարացմանը»․ հայտարարել է ՌԴ Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը՝ միևնույն ժամանակ ընդգծելով, որ ռուսական կողմն ամեն ինչ չէ, որ ճիշտ է արել:
«Պարոն Արմեն Գրիգորյանըիր աղմկահարույց հայտարարությամբ Ռուսաստանին վերագրեց ԼՂ կորստի, հանձնման պատասխանատվությունը։
Ռուսաստանը հայտնվեց շատ բարդ, ես կասեի հիմար վիճակում, քանի որ կողմերի, նախևառաջ հայկական կողմի խնդրանքով ԼՂ-ում տեղակայելով իր խաղաղապահներին, Մոսկվան հետագայում չստացավ խաղաղապահներին գործելու հնարավորություն տվող մանդատ:
Եվ ամենակարևորը, 2022-ին ՀՀ վարչապետն արևմտյան մայրաքաղաքներում հրապարակավ հայտարարեց, որ ԼՂ-ն Ադրբեջանի ներքին խնդիրն է:
Որևէ թերություն կարող եք գտնել ոչ միայն խաղաղապահ առաքելության, այլև Կովկասում Ռուսաստանի ընդհանուր կուրսի իրականացման մեջ։ Եվ ես դա անում եմ ինքս առանց վարանելու։ Բայց ամեն դեպքում, խնդիրը հիվանդ գլխից առողջ գլխի վրա դնելը, թե Ռուսաստանը հանձնել է Ղարաբաղը, սուտ է»,- հայտարարել է Զատուլինը:
Պատգամավորի տեսանկյունից Ռուսաստանը շահագրգռված էր, որ ԼՂ հայերն ապրեն իրենց տեղում, որպեսզի Լեռնային Ղարաբաղը որոշակի պայմաններում անկախություն ձեռք բերի, որպեսզի եթե ոչ անկախություն, ապա գոնե պահպանի այնպիսի կարգավիճակ, որը թույլ կտա հայերին. այնտեղ խաղաղ գոյատևել և հանգիստ լինել և իրենց տների համար, և իրենց գերեզմանոցների և իրենց վանքերի համար: Զատուլինը վստահ է, որ Մոսկվան հետաքրքրված էր դրանով։
