Բլինքենն ու Բերբոքը քննարկել են հայ-ադրբեջանական հարաբերությունների կարգավորման ընթացքը

Վաշինգտոնում ՆԱՏՕ-ի գագաթնաժողովի շրջանակներում ԱՄՆ պետքարտուղար Էնթոնի Բլինքենը հանդիպել է Գերմանիայի արտաքին գործերի նախարար Անալենա Բերբոքի հետ․ տեղեկանում ենք ԱՄՆ Պետքարտուղարության կայքից։

Ըստ Պետքարտուղարության՝ Բլինքենն ու Բերբոքը քննարկել են Հայաստանի և Ադրբեջանի միջև «խաղաղության համաձայնագրի կնքման ուղղությամբ ձեռք բերված առաջընթացը և ընդգծել գործարքի հնարավորինս արագ ավարտելու կարևորությունը»։