Ռուբեն Ռուբինյանն ու Մոհամմադ Բաղեր Ղալիբաֆը հանդիպել են

Ազգային ժողովի փոխնախագահ Ռուբեն Ռուբինյանը այսօր Սանկտ Պետերբուրգում «ԲՐԻԿՍ» խորհրդարանական ֆորումի շրջանակում հանդիպել է ԻԻՀ Մեջլիսի նախագահ Մոհամմադ Բաղեր Ղալիբաֆի հետ․ այս մասին տեղեկացնում են Ազգային ժողովից։

Կողմերը գոհունակություն են հայտնել Հայաստան-Իրան հարաբերությունների բարձր մակարդակի առնչությամբ: Հանդիպմանը քննարկվել են Հայաստան-Իրան միջխորհրդարանական համագործակցությանը, ինչպես նաեւ տարածաշրջանային անվտանգությանն ու խաղաղությանը առնչվող հարցեր: