Իսրայելը հրթիռակոծել է Սիրիայի տարածքը․ կան զոհեր
Իսրայելը հրթիռային հարվածներ է հասցրել Սիրիայի հարավ-արևմուտքում,
ինչի հետևանքով զոհվել է սիրիացի 8 զինծառայող․ տեղեկացնում են սիրիական պետական լրատվամիջոցները։
Նշվում է, որ հրթիռակոծության հետևանքով կան նաև վիրավորներ։
Միջադեպը տեղի է ունեցել սիրիական Դարաա քաղաքի մոտակայքում։ Պատճառվել
է նաև նյութական վնաս։
Իսրայելի փոխանցմամբ՝ հրթիռակոծությունը եղել է սիրիական զորքերի
կողմից Գոլանի բարձունքներին հասցված հարվածների պատասխանը։
