Էդուարդ Սպերցյանը չի պատասխանել իր ապագայի մասին հարցին

Ռուսական «Կրասնոդար» ֆուտբոլային ակումբի և Հայաստանի հավաքականի կիսապաշտպան Էդուարդ Սպերցյանը հրաժարվել է պատասխանել իր ապագայի վերաբերյալ հարցին։

«Իմ ապագա՞ն. Ես չեմ պատասխանի այս հարցին»,- Սպերցյանի խոսքերն է փոխանցում Championat.com-ը:
Ավելի վաղ հաղորդվում էր, որ Էդուարդ Սպերցյանի ծառայություններով հետաքրքրված են եվրոպական ակումբները։ Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 20 միլիոն եվրո:

Վաղը՝ հուլիսի 13-ին, Կրասնոդարը Ռուսաստանի Սուպերգավաթի խաղում կհանդիպի «Զենիթի» հետ։ Թիմերը կխաղան Վոլգոգրադի «Վոլգոգրադ Արենա» մարզադաշտում։ Այս խաղը առաջինը կլինի հայ կիսապաշտպանի համար իր թիմի հիմնական ավագի կարգավիճակում։