Դոնալդ Թրամփը կմասնակցի Հանրապետականների համագումարին 

ԱՄՆ նախկին նախագահ Դոնալդ Թրամփը ժամանել է Վիսկոնսին նահանգ Հանրապետականների ազգային համագումարին մասնակցելու համար․ գրում է BBC-ն։

Թրամփը գրառում է կատարել՝ տեղեկացնելով, որ մտադիր էր ուղևորությունը երկու օրով հետաձգել, սակայն որոշել է մասնակցել համագումարին՝ չցանկանալով փոխել ժամանակացույցը։

Կիրակի երեկոյան նախագահ Բայդենը հանդես է եկել հեռուստատեսային ուղերձով՝ կոչ անելով նվազեցնել «քաղաքականության ջերմաստիճանը»։

Հանրապետականների ազգային համագումարն անցկացվում է չորս տարին մեկ՝ կուսակցության նախագահի թեկնածուին պաշտոնապես առաջադրելու և հաստատելու նպատակով։