Ռուսաստանը կաշխատի ցանկացած ընտրված ամերիկացի առաջնորդի հետ, ով պատրաստ է երկխոսության․ այս մասին հուլիսի 17-ին ՄԱԿ-ում Անվտանգության խորհրդի նիստերին մասնակցելուց հետո մամուլի ասուլիսի ժամանակ հայտարարել է ՌԴ ԱԳ նախարար Սերգեյ Լավրովը, գրում է Известия-ն։
«Պուտինը մեկ անգամ չէ, որ ասել է. մենք պատրաստ կլինենք աշխատել ցանկացած ամերիկացի առաջնորդի հետ, ով կընտրվի ամերիկյան ժողովրդի կողմից և պատրաստ է հավասար, փոխադարձ հարգանքով երկխոսության», – ասել է Լավրովը։
Նա հիշեցրել է, որ Մոսկվայի և Վաշինգտոնի միջև պատժամիջոցների պատերազմը սկսվել է ԱՄՆ նախագահ Բարաք Օբամայի օրոք։ Հաջորդ առաջնորդ Դոնալդ Թրամփի օրոք ավելի շատ տնտեսական և դիվանագիտական սահմանափակումներ կային, սակայն սահմանափակումների ներդրմանը զուգահեռ Ռուսաստանի և ԱՄՆ-ի միջև երկխոսություն էր ընթանում բարձր և ամենաբարձր մակարդակներով։ Այժմ, ինչպես ընդգծել է նախարարը, նման շփումները բացակայում են։
