Անոմալ շոգեր են աշխարհում՝ Կանադայից մինչև Մարոկկո. Կանադայի արևմուտքում անտառային ուժեղ հրդեհի պատճառով այրվել է զբոսաշրջային քաղաքի մի մասը: Ըստ տեղական իշխանությունների՝ հրշեջները փորձում են հնարավորինս շատ կառույցներ փրկել:
Հրդեհներից հետո, սաստիկ շոգից Մարոկկոյում մեկ օրում ավելի քան 20 մարդ է մահացել: Օդերևութաբանության դեպարտամենտը տեղեկացրել է, որ հյուսիսաֆրիկյան երկրի մեծ մասում երկուշաբթիից չորեքշաբթի ջերմաստիճանի կտրուկ աճ է գրանցվել՝ որոշ շրջաններում հասնելով 48 աստիճանի ըստ Ցելսիուսի:
Այս թեմայով ՄԱԿ-ն է ահազանգում: Միլիարդավոր մարդիկ կանգնած են ծայրահեղ շոգի համաճարակի առջև: Նրանք մահանում են անմարդկային շոգից, քանի որ ամբողջ աշխարհում ջերմաստիճանը հասնում է 50 աստիճան ըստ Ցելսիուսի:
