Աշխարհի 58-րդ ռակետ Էլինա Ավանեսյանը ինսթագրամյան գրառմամբ հաստատել է, որ այսուհետ ներկայացնելու է Հայաստանը․
«Պատիվ ունեմ հայտարարելու, որ ստացել եմ Հայաստանի քաղաքացիությունը և հպարտությամբ կներկայացնեմ Հայաստանը՝ սկսած երկուշաբթի օրը մեկնարկող Cincinnati Open մրցաշարից։ Ես ոգևորված եմ իմ նախնիների հայրենիքի համար խաղալու առիթով: Շնորհակալություն բոլորին ձեր անմնացորդ աջակցության համար»,- գրել է Ավանեսյանը:
Ավելի վաղ տեղեկացրել էինք, որ Աշխարհի 58-րդ ռակետ Էլինա Ավանեսյանն այլևս Հայաստանի ներկայացուցիչ է․լուրը պաշտոնապես հաստատել է Թենիսի կանանց ասոցիացիայի (WTA) պաշտոնական կայքը։
