Վրաստանի նախագահը պահպանում է իր պաշտոնը Սաակաշվիլիի շնորհիվ և հնարավոր է ներում շնորհի նրան. Վրաստանի խորհրդարանի նախագահ
Վրաստանի նախագահ Սալոմե Զուրաբիշվիլին քննարկում է երկրի նախկին ղեկավար Միխեիլ Սաակաշվիլիին ներում շնորհելու հարցը, քանի որ նա միևնույն դաշինքի մեջ է նրա և նրա «Միացյալ ազգային շարժում» կուսակցության հետ․ այս մասին հայտարարել է Վրաստանի խորհրդարանի նախագահ Շալվա Պապուաշվիլին։
«Սալոմե Զուրաբիշվիլին պահպանում է իր պաշտոնը անձամբ Միխեիլ Սաակաշվիլիի և «Ազգային շարժման» շնորհիվ։ Դուք տեսել եք վրաց ժողովրդի տրամադրությունները, Սահմանադրական դատարանի և խորհրդարանի որոշումը նրա իմփիչմենթի վերաբերյալ։ Իհարկե, նա իր պարտականություններն ունի ներման հետ կապված, և ես վստահ եմ, որ նա նման ծրագրեր ունի»,- ասել է Պապուաշվիլին։
