Ամբողջ Լիբանանում դադարեցվել է էլեկտրամատակարարումը. այս մասին հայտարարել է Électricité du Liban էներգետիկ ընկերությունը, որը վերահսկում է երկրում էլեկտրաէներգիայի արտադրության, փոխանցման և բաշխման 90%-ը։
Պետական ընկերությունը նշել է, որ Ազ-Զահրանի էլեկտրակայանների վերջին խումբը, որը սնուցում էր երկիրը, ամբողջովին անսարք է եղել իր պահեստներում վառելիքի պաշարների սպառման պատճառով։ Դա հանգեցրել է նրան, որ Լիբանանի ողջ տարածքը մնա առանց էլեկտրականության։
Ընկերության տվյալներով՝ երկրի բոլոր հիմնական ենթակառուցվածքային օբյեկտներն այժմ հոսանքազրկված են, ներառյալ միջազգային օդանավակայանը և ծովային նավահանգիստը: Électricité du Liban-ը խոստացել է վերագործարկել էլեկտրակայանները՝ համաձայն ստացվող վառելիքի քանակի և սպառողներին վերականգնել էլեկտրաէներգիան։
