«ABBA» խմբի անդամները և Universal Music հոլդինգը ԱՄՆ նախագահի թեկնածու Դոնալդ Թրամփի նախընտրական շտաբից պահանջել են դադարեցնել խմբի երգերի օգտագործումը նախընտրական միջոցառումների ժամանակ։ Dancing Queen, Money, Money, Money և The Winner Takes It All հիթերը հնչել են Մինեսոտայում հանրահավաքի ժամանակ․ հայտնում է Svenska Dagbladet շվեդական պարբերականը՝ հղում կատարելով ձայնագրման ստուդիայի հայտարարությանը։
Universal Music-ի ներկայացուցիչները նշել են, որ խմբի երաժշտությունն օգտագործելու հարցում չի ստացել, իսկ Թրամփի քարոզարշավը համապատասխան թույլտվություն կամ արտոնագիր չի ունեցել։
«ABBA խմբի անդամների հետ պարզեցինք, որ Թրամփի միջոցառումներին հրապարակել են տեսանյութեր, որոնցում օգտագործվում է «ABBA»-ի երաժշտությունը, այդ պատճառով մենք պահանջել ենք անհապաղ հեռացնել դրանք և դադարեցնել այլևս այն օգտագործել»,-ասել է գործակալության զրուցակիցը։
Բազմաթիվ այլ արտիստներ՝ Բեյոնսե, Ադել, Սելին Դիոն, Նիլ Յանգ, The Rolling Stones և ուրիշներ, նախկինում դեմ են արտահայտվել Թրամփի կողմից իրենց երաժշտության հանրային օգտագործմանը:
