Ռուսաստանում ելույթի ժամանակ կատաղած արջը հարձակվել է վարժեցնողի վրա

Ռուսաստանում կրկեսային շոուի ժամանակ հարյուրավոր երեխաների և ծնողների աչքի առաջ արջը հարձակվել է վարժեցնող Սերգեյ Պրիչինիչի վրա․ գրում է Fox News-ը։

Դոնաթ անունով գորշ արջը կշռում է մոտ 222 կիլոգրամ։

«Ներկայացման ավարտին արջը հարվածեց Սերգեյին և գոտեմարտի դուրս եկավ նրա հետ», – միջադեպից հետո լրագրողներին ասել է «Մորետտի» կրկեսի ղեկավար Նիկիտա Միխայլովը՝ տեղեկացնելով, որ դրանից հետո ելույթը շարունակվել է։

Դոնաթը Պրիչինիչին նետել է գետնին և մոտ կես րոպե հարվածել նրան։ Այնուհետև, վանդակից դուրս գտնվող աշխատակիցը հրել է արջին՝ հնարավորություն տալով վարժեցնողին ոտքի կանգնել:

Միխայլովը նշել է, որ Պրիչինիչը «սպասել է, որ արջը հանգստանա, ոտքի կանգնել, շարունակել ելույթը նրա հետ, և այն ավարտել համբույրով»։