Ուկրաինայի նախագահ Վլադիմիր Զելենսկին հայտարարել է, որ Ուկրաինայի Պոլտավա քաղաքի վրա ռուսական հրթիռային հարձակման հետևանքով 41 մարդ է զոհվել․ հայտնում է BBC-ն։
Նա տեղեկացրել է ևս 180 մարդու վիրավորվելու մասին։
Ըստ Զելենսկիի՝ նախնական տվյալներով՝ երկու հրթիռ է արձակվել ուսումնական հաստատության և հիվանդանոցի վրա։
Չհաստատված տեղեկությունների համաձայն՝ հարձակման ենթարկված շենքերից մեկը ռազմական ուսումնական կենտրոն է։
Ուկրաինայի պաշտպանության նախարարությունը հայտնել է, որ մարդիկ թիրախավորվել են ապաստարաններ գնալիս՝ օդային տագնապի ազդանշանից անմիջապես հետո։
