Մակրոնը հանրապետական Միշել Բարնիեին նշանակել է Ֆրանսիայի վարչապետ

Ֆրանսիայի նախագահ Էմանուել Մակրոնը Միշել Բարնիեին վարչապետ է նշանակել երկրում արտահերթ խորհրդարանական ընտրություններից գրեթե երկու ամիս անց․ գրում է BBC-ն։

73-ամյա պարոն Բարնիեն ԵՄ-ի նախկին գլխավոր բանակցողն էր Brexit-ի հարցով և ղեկավարել է բանակցությունները Մեծ Բրիտանիայի կառավարության հետ 2016-ից 2019 թվականներին:

Աջակողմյան Հանրապետական (LR) կուսակցության վետերանը երկար քաղաքական կարիերա է ունեցել և զբաղեցրել տարբեր բարձր պաշտոններ՝ ինչպես Ֆրանսիայում, այնպես էլ ԵՄ-ում: