Պատգամավոր Մհեր Սահակյանը մեկ հոդվածով արդարացվել է, մյուսով՝ մեղավոր ճանաչվել

2023թ. մարտի 31-ին խորհրդարանում տեղի ունեցած միջադեպի փաստով այսօր Երևան քաղաքի քրեական դատարանն ընդդիմադիր պատգամավոր Մհեր Սահակյանի վերաբերյալ կայացրել է վերդիկտ․ այս մասին հայտնել է փաստաբան Ռուբեն Մելիքյանը:

«Դատարանը վճռել է.

1) խուլիգանության մեղադրանքով (ՔՕ 297 հոդվածի 1-ին մաս) Սահակյանին արդարացնել.

2) ծանրացնող հանգամանքով առողջությանը թեթև վնաս պատճառելու հոդվածը (ՔՕ 171 հոդվածի 2-րդ մաս) վերաորակել առանց ծանրացնող հանգամանքի՝ թեթև վնաս պատճառելու հոդվածի (նույն հոդվածի 1-ին մաս), և դրանում Սահակյանին ճանաչել մեղավոր։

Լրացուցիչ դատալսումները նշանակվել են հոկտեմբերի 1-ին»։