Զանգեզուրի միջանցքի հարցում Իրանն ամուր կանգնած է իր դիրքում և մտադիր չէ զիջել. հայտարարել է Իսլամական հեղափոխության պահապանների կորպուսը։ Հայտարարության մեջ ասվում է.
«Որպես տարածաշրջանային տերություն Իրանը տասնամյակների ընթացքում ապացուցել է իր տոկունությունը, այդ թվում՝ հաղթելով Սադամ Հուսեյնի ռեժիմի դեմ պատերազմում: Իրանը հստակ ցույց է տվել, որ ոչ մի արտաքին ուժ՝ լինի դա քաղաքական, թե ռազմական ճնշում, ի վիճակի չի թուլացնել նրա ազդեցությունը։
Իրանի շահերի շրջանցմամբ տարածաշրջանային հավասարակշռությունը խախտելու ցանկացած փորձ կհանդիպի վճռական դիմադրության, և երկիրը կշարունակի պաշտպանել իր դիրքերը բոլոր քաղաքական և ռազմավարական հարցերում»:
