Ընտրություն պատերազմի ու խաղաղության միջև․ Իրակլի Կոբախիձ
Ընտրություն պատերազմի ու խաղաղության միջև։ Հոկտեմբերի 26-ին Վրաստանի ժողովրդի առջև հենց այս ընտրությունն է դրված․ այս մասին հայտարարել է Վրաստանի վարչապետ Իրակլի Կոբախիձեն։
Նա հայտարարել է, թե վստահ է՝ հոկտեմբերի 26-ին ժողովուրդը հստակ ոչ կասի պատերազմին և կընտրի խաղաղությունը, որն անհրաժեշտ պայման է Վրաստանի առաջընթացի և զարգացման համար:
Վրաստանի վարչապետը նշել է, որ Վրաստանն անպայման կունենա լուսավոր, եվրոպական ապագա, որին կարելի է հասնել միայն խաղաղության պահպանման և արժանապատվությունը պաշտպանելու ճանապարհով։
«Հոկտեմբերի 26-ի ընտրությունները վճռորոշ հանրաքվե են, որտեղ ժողովուրդը նույնպես պետք է ընտրություն կատարի անբարոյական քարոզչության և ավանդական արժեքների միջև։ Ես վստահ եմ, որ այս դեպքում էլ Վրաստանի ժողովուրդը հստակ ընտրություն կկատարի»։
